Повеќе од 17.000 лица ја напуштиле Македонија во последните 24 часа преку граничните премини „Богородица“ и „Дојран“ кон Грција, додека во истиот период во земјата влегле околу 16.000 патници, покажуваат податоците на Министерството за внатрешни работи.
Поради зголемената фреквенција, на двата гранични премини се создадоа долги колони, а најголем метеж беше забележан на „Дојран“, каде колоната возила се протегаше низ Стар Дојран.
На „Богородица“ во Македонија влегле 5.864 македонски државјани, а излегле 5.948. Од странските државјани, влегле 10.249, а излегле 11.648.
На „Дојран“ се евидентирани 399 влезови и 1.104 излези на македонски државјани, додека кај странските државјани регистрирани се 1.295 влезови и 1.174 излези.
Од МВР велат дека се ангажирани сите расположливи човечки и технички ресурси за да се овозможи побрз проток на патниците, при истовремено спроведување на задолжителните гранични контроли.
ИЗДВОЕНИ
ЖИВОТНИ ПАТОКАЗИ, ЗОРАН КРСТЕВСКИ: Дали е целта грабање пари?
Критично е во Европа: Сушата ги празни реките, транспортот и енергетиката под силен притисок
Сиљановска Давкова: Државата јакнее преку националното помирување, да ги надминеме поделбите и да зборуваме во еден глас за прашањата од национален интерес
Мицкоски: Сме победувале секогаш кога сме биле обединети околу голема цел, има работи кои се поголеми од секоја партија, функција, сечиј мандат
