„Варшава ќе ја снема за три дена“, порача клучниот советник на Путин

Нова, остра размена на изјави меѓу Москва и Варшава дополнително ги зголеми тензиите во време кога Полска предупредува на заканата од руска агресија. Николај Патрушев, клучна фигура во рускиот безбедносен апарат, директно одговори на изјавите на полскиот министер за надворешни работи, Радослав Сикорски, во врска со воената моќ на НАТО.

Патрушев изјави дека, во случај на директен воен судир со Русија, Полска би се соочила со целосно уништување во многу краток временски рок.

– Она што Сикорски не го сфаќа – додека тврди дека Полска има воена надмоќ над Русија – е тоа дека во случај на воена акција против Москва, Варшава би престанала да постои во рок од два до три дена, изјави Патрушев.

🤡 Warsaw will disappear in 2–3 days in the event of military action against Moscow, — Putin’s aide Patrushev.

Patrushev said that Sikorski supposedly “does not realize” the consequences of his statements, and claims that the Russian Federation will use “the entire arsenal of… pic.twitter.com/Rlt08IPr7p

— 🪖MilitaryNewsUA🇺🇦 (@front_ukrainian) September 15, 2026

Неговата изјава следува по коментарите на Сикорски во врска со рамнотежата на воените капацитети меѓу НАТО и Русија, во кои тој тврдеше дека Алијансата би можела многу брзо да ги порази руските сили во случај на директен конфликт.

Патрушев оцени дека полскиот министер за надворешни работи погрешно ги проценува капацитетите на Русија и додаде дека Москва не го користи – како што тој тврди – својот целосен воен капацитет во конфликтот во Украина.

Според него, Сикорски не го сфаќа вистинскиот потенцијал на руските вооружени сили и прави „аматерска проценка на руската воена моќ“.

Токму ова тврдење е клучен елемент од одговорот на Русија на пораките од Варшава, која во последно време сè поотворено зборува за потребата од зајакнување на одбраната и обезбедување подготвеност на НАТО за евентуален конфликт.

За време на посетата на Киев, Сикорски разговараше за сценарио во кое Русија би можела да нападне земја-членка на НАТО, по што Алијансата, како што се изрази тој, „би ги симнала ракавиците“.

При таа прилика, полскиот министер оцени дека НАТО би можел „прилично брзо“ да ги порази руските сили во таков конфликт.

Oh no, it's an another 3 day threat from Russia, this time to Poland

In the event of a war with Russia, Warsaw “will disappear in two or three days,” — Putin’s aide Nikolai Patrushev.

It's a Russian response to Polish readiness for war
pic.twitter.com/w2VbotBtf2

— Slava 🇺🇦 (@Heroiam_Slava) September 15, 2026

Тој особено ја истакна предноста на Алијансата во воздухот. Според неговите проценки, европските членки на НАТО – дури и без САД – располагаат со околу 2.500 борбени авиони, додека Русија има околу 300.

Руската страна реагираше многу остро на неговите изјави. Портпаролката на Министерството за надворешни работи, Марија Захарова, претходно ги опиша неговите забелешки како „испирање на мозокот со русофобија“.