Мајка и дете беа успешно спасени утринава откако паднале во провалија покрај трим-патеката што води кон манастирот „Св. Илија“ во Струмица.
Инцидентот бил пријавен во раните утрински часови, а од Територијалната противпожарна единица Струмица информираат дека акцијата започнала околу 05:15 часот, кога тим од пожарникари-спасители бил веднаш упатен на терен.
По пристигнувањето на местото на настанот, со употреба на специјализирана спасувачка опрема, екипите ги извлекле мајката и детето од непристапниот терен.
По успешното извлекување, тие веднаш биле предадени на екипа од Итната медицинска помош за преглед и понатамошно згрижување.
„Благодарение на брзата, професионална и координирана интервенција, спасувачката акција беше успешно завршена“, соопштија од ТППЕ Струмица.
По интервенцијата, од противпожарната единица упатија апел до сите граѓани кои ги користат трим-патеките и планинските патеки за зголемена претпазливост, особено во раните утрински и ноќните часови, кога движењето по стрмни делови носи ризик.
ИЗДВОЕНИ
Мицкоски: Сме победувале секогаш кога сме биле обединети околу голема цел, има работи кои се поголеми од секоја партија, функција, сечиј мандат
МАКЕДОНСКИТЕ РЕВОЛУЦИОНЕРИ, НА ПАТОТ ДО ИЛИНДЕНСКОТО ВОСТАНИЕ, НЕ ВОЈУВАЛЕ САМО СО ОРУЖЈЕ: И со тајните шифри на ВМРО и на Гоце Делчев се испишуваше патот кон слободна татковина
Од Крушево до Прохор Пчински – Македонија ги одбележува двата Илиндена, најзначајни настани за македонската државност
„Сага за летот на Илинденка“ ја оживеа заборавената историја на македонското воздухопловство
