Пожар избувна во рафинеријата за нафта Илиски во југозападна Русија по нападот со беспилотни летала, а властите ја евакуираа областа погодена од нападот, соопштија официјални лица утрово.
Според прелиминарните информации, никој не е повреден во рафинеријата во Краснодарската област, објавува „Ројтерс“.
Пожари избувнаа и во Ростовската област, во две складишта за гориво, како и во пристаништето Таганрог, изјави локалниот гувернер Јуриј Сљусар на „Телеграм“.
Градоначалничката на Таганрог, Светлана Камбулова, изјави дека властите ги евакуирале луѓето од нивните домови во погодените области, и дека една куќа е оштетена, а покривот на административната зграда се запалил.
Руското Министерство за одбрана соопшти дека воздушната одбрана соборила 376 украински беспилотни летала преку ноќ.
Украина ги засили нападите врз руската енергетска и друга инфраструктура во последните месеци, што доведе до недостиг на гориво низ цела Русија, пренесува „Бета“.
ИЗДВОЕНИ
КОЛУМНА, ГОРДАН ЈОРДАНОВ: Може ли словенското помирување да ја спаси Европа од нова голема војна?
Мицкоски: Јас би бил најсреќен ако Американците ги затегнат условите за иселенички визи, оваа Влада сака да ги врати иселениците
Димитријевиќ се враќа за Македонија: „Последна шанса за Евробаскет“
Мицкоски за „Брајтбарт њуз“: Кога на Америка ѝ беа потребни сојузници, мојата земја не се криеше во толпата
