Во последните месеци, Украина ги интензивира нападите врз руската енергетска инфраструктура, со цел да ги ослаби изворите на финансирање на воените активности на Русија.

Во четвртокот, украински далекометни дронови повторно нападнале нафтен објект во Пермски регион, кој се наоѓа повеќе од 1.500 километри од украинската граница, што укажува на значителниот оперативен дострел на беспилотните летала.

Според достапните информации, мета била стратешка нафтена станица преку која се транспортираат големи количини сурова нафта. Секој резервоар на локацијата има капацитет до 50.000 кубни метри, што ја прави клучна точка за складирање и дистрибуција на енергенси.

Нападот бил извршен со дронови со долг дострел, а истиот објект бил цел и во претходни напади, пренесува „Киев пост“.

Официјални информации за жртви нема, но се проценува дека материјалната штета може да биде значителна.

Во изминатиот период, Украина засилено таргетира руски рафинерии, складишта и транспортни капацитети за нафта, со цел да ги намали приходите од извоз на енергенси – еден од клучните извори за финансирање на воените операции на Кремљ.

Овие напади покажуваат дека украинските беспилотни летала имаат способност да погодат цели длабоко во руската територија, вклучително и индустриски капацитети во оддалечени региони како Урал.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ