Американскиот претседател Доналд Трамп денеска изјави дека американските делегации утре ќе се сретнат со иранските претставници во Доха.
„Иран побара состанок. Тој ќе се одржи утре во Доха“, напиша Трамп во објава на социјалната мрежа Truth Social.
Порано во текот на денот, извор запознаен со разговорите изјави за Ројтерс дека иранските и американските технички тимови кои работат на спроведување на меморандумот за разбирање ќе се сретнат во Доха во наредните денови.
Подоцна, иранскиот заменик-министер за надворешни работи, Казем Гарибабади, ги отфрли тврдењата, велејќи дека состаноците на техничката работна група меѓу Иран и САД не се закажани.
Гарибабади, исто така, нагласи дека консултациите меѓу Иран и Катар во врска со обврските на САД продолжуваат според планот, но дека разговорите на техничката работна група во Доха не се потврдени.
ИЗДВОЕНИ
ИЗМЕНИТЕ ВО ИЗБОРНОТО ЗАКОНОДАВСТВО БЕЗ МЕЃУПАРТИСКИ КОНСЕНЗУС: Изборниот законик тргна во процедура, го чекаат две блокади
КОЛУМНА, ЗВОНКО ДАВИДОВИЌ: Како правосудството ни стана менталитет, а менталитетот ни го уби правото
ИТ-секторот го крева просекот, а илјадници работници чекаат законско зголемување од 1.600 денари
Сопругот во притвор, не го признава убиството: „Ми се јави на сон“ – морничавото алиби пред доказите на истрагата
