Трамп планира одмазда врз НАТО, но прво – ќе се обрати од Овалната соба за да прогласи победа над Иран?

Американскиот претседател Доналд Трамп најави говор од Овалната соба на Белата куќа во Вашингтон, oд каде што за прв пат ќе зборува за војната на Блискиот Исток што започна во раните часови во саботата, 28 февруари. Трамп ќе се обрати на јавноста во 21 часот по локално време (три часот наутро во четврток, 2 април, по наше време) и, според „Политикo“, ќе прогласи победа над Иран.

Трамп веќе зборуваше за „забавување на темпото“ во војната со Иран и се очекува да зборува и за ова во најавениот говор. „Политико“ пишува дека Трамп ќе објави дека сите цели во војната со Иран се исполнети и се повикува на дури шест анонимни извори кои се запознаени со плановите на американскиот претседател.

Како што понатаму наведува „Политико“, Трамп планира да им се одмазди на сојузниците на НАТО. Кризата на пактот на НАТО никогаш не била поголема од основањето на најголемиот воен сојуз во светот, бидејќи неколку европски членки прво одбија директно да учествуваат во војната со Иран, а потоа го затворија воздушниот простор на своите земји за прелети од страна на американските држави.

Што ќе се случи со Хормускиот Проток?
Трамп планира да се одмазди на НАТО алијансата „преку“ Хормускиот Проток. Стив Бенон, поранешен соработник на Трамп, изјави дека Трамп сигурно ќе прогласи победа, дека ќе ги наброи сите постигнати цели и дека проблемот со Хормускиот Проток ќе му го остави на НАТО да го реши.

За потсетување, Израел и САД го нападнаа Иран во раните утрински часови во сабота, 28 февруари, во воена операција наречена „Епски бес“. Во нападите беа убиени врховниот лидер на Иран, Али Хамнеи, и поранешниот ирански претседател Махмуд Ахмадинеџад.