Три лица, меѓу кои и две деца, загинаа во тешка сообраќајна несреќа во Холандија денес, кога автомобил удрил во група ученици на училишен велосипедски излет, соопштија локалните власти.
Несреќата се случила во близина на селото Фогелварде, недалеку од границата со Белгија, во јужната холандска покраина Зеланд, пренесува Euronews.
Според властите, автомобилот удрил во група од 14 деца на велосипеди и двајца возрасни придружници кои учествувале во училишен камп.
Три лица загинаа во несреќата, додека четири деца се тешко повредени и итно префрлени во болница. Властите сè уште не ги објавија возрастите на децата вклучени во несреќата.
„Патнички автомобил се судрил со група од 14 деца на велосипеди и двајца придружници за време на училишен камп“, соопштија локалните власти во соопштението.
Околностите околу трагедијата сè уште се истражуваат, а полицијата започна истрага за да ги утврди сите детали за несреќата.
