Топлотниот бран ќе продолжи да ја зафаќа Македонија и во текот на оваа седмица, а екстремно високите температури ќе се задржат и до крајот на неделата.
Под влијание на топла воздушна маса од југ, времето ќе биде претежно сончево и многу топло, со мала до умерена локална облачност. Дневната температура насекаде ќе биде над 33 степени, а во одредени делови од земјата ќе надмине и 40 степени Целзиусови.
Разладување нема да има ниту во ноќните часови, кога температурите ќе останат високи, што дополнително ќе го отежне поднесувањето на горештините.
Слична состојба се очекува и во поголем дел од Европа, каде топлиот бран продолжува да носи екстремни температури, суша и зголемен ризик од шумски пожари. Најпогодени се земјите од јужна и југоисточна Европа, а високите температури се задржуваат и во други делови од континентот.
Надлежните апелираат граѓаните да избегнуваат престој на отворено во најтоплиот дел од денот, да внесуваат доволно течности и да бидат особено внимателни со децата, повозрасните лица и хронично болните.
ИЗДВОЕНИ
Сиљановска Давкова: Државата јакнее преку националното помирување, да ги надминеме поделбите и да зборуваме во еден глас за прашањата од национален интерес
Мицкоски: Сме победувале секогаш кога сме биле обединети околу голема цел, има работи кои се поголеми од секоја партија, функција, сечиј мандат
МАКЕДОНСКИТЕ РЕВОЛУЦИОНЕРИ, НА ПАТОТ ДО ИЛИНДЕНСКОТО ВОСТАНИЕ, НЕ ВОЈУВАЛЕ САМО СО ОРУЖЈЕ: И со тајните шифри на ВМРО и на Гоце Делчев се испишуваше патот кон слободна татковина
Од Крушево до Прохор Пчински – Македонија ги одбележува двата Илиндена, најзначајни настани за македонската државност
