Tигар побегна од циркус во Лајпциг и нападна човек: „Кралицата на тигрите“ се соочува со правни проблеми

Тигар кој бил во бегство во близина на источногерманскиот град Лајпциг повредил најмалку едно лице, објавија германските медиуми.

Во меѓувреме, германската полиција соопшти дека животното е убиено, објави Дојче Веле.

Тигар кој избегал од заробеништво откако нападнал едно лице бил застрелан во полициска операција во близина на Лајпциг, соопшти полицијата.

Полицијата соопшти дека повредениот маж претрпел полесни повреди, иако „Билд“ објави дека е однесен во болница.

Според портпаролката, ниеден друг тигар не избегал.

Полицијата соопшти дека тигарот избегал од приватен имот во Шкеудиц, западно од Лајпциг, пред да биде застрелан во блиските градини.

Која е Кармен Кандер, позната како „кралица на тигрите“?

Кандер, позната и како „кралица на тигрите“, претходно се соочила со правни проблеми поради начинот на кој се однесувала кон животните што биле под нејзина грижа, напиша неделникот „Цајт“, повикувајќи се на медиумски извештаи.

Меѓу другото, таа е обвинета за организирање изложба на тигри без соодветна дозвола, поради што обвинителството во Лајпциг започна истрага против неа, пренесува „Танјуг“.