Лионел Меси често го опишуваат како еден од најголемите фудбалери на сите времиња, симбол на скромноста и на спортската совршеност. Сепак, зад идеализираната слика стојат и контроверзии, како и сложен однос кон притисокот на славата што ја следеше целата негова кариера.
Додека блескавата кариера на легендарниот аргентински спортист е изнесена во преден план, даночните скандали и правните битки што ја откриваат темната страна од неговиот живот се ставаат под тепих.
- Даночен скандал што ја обележа неговата кариера
Најпознатата контроверзија во кариерата на Меси се случи во Шпанија, каде што тој и неговиот татко, Хорхе Меси, беа обвинети за даночно затајување на приходи од права на слика и име. Според пресудата од 2016 година, судот утврди дека меѓу 2007 и 2009 година тие скриле околу 4,1 милион евра приходи, користејќи странски компании во даночен рај. Двајцата беа прогласени за виновни и осудени на 21 месец затвор, што во практика беше преиначено во парична казна, во согласност со шпанските закони за неосудени лица. Меси тврдеше дека не бил активно вклучен во финансиските одлуки, туку дека им верувал на својот татко и на советниците.
- Сите негови работи беа под лупа
Со текот на годините, Меси и неговиот тим беа предмет на разни правни и финансиски контроли поради сложени договорни структури, спонзорства и права на имиџ. Иако повеќето од тие структури не се прогласени за нелегални, шпанскиот случај отвори поширока дебата за тоа колку добро спортистите ги разбираат финансиските механизми зад нивните огромни приходи и колку одговорност сносат за одлуките на своите менаџери и семејства.
- Наводи за корупција (2019)
Во текот на Копа Америка во Бразил, Меси отворено изјави дека бил наместен турнирот во корист на домаќините. Поради бојкотот на церемонијата на доделување медали и острите изјави, тој беше суспендиран три месеци од страна на јужноамериканската куќа на фудбалот (CONMEBOL) и казнет со 50.000 долари.
- Неодамнабешеобвинет за измама од повеќе милиони долари, заедно со Федерацијата
Лионел Меси се најде во центарот на голем скандал што го тресе фудбалскиот свет откако беше поднесена тужба против него и Аргентинската фудбалска асоцијација во Соединетите Американски Држави, за наводно прекршување на договорот и за милионска штета.
Како што објавија светските медиуми, промотивната компанија ВИД од Мајами повела судска постапка, тврдејќи дека претрпела огромни финансиски загуби, бидејќи Меси не ги исполнил своите договорни обврски во текот на пријателските натпревари на репрезентацијата на Аргентина.
Според тужбата, компанијата платила дури седум милиони долари за ексклузивните права на два натпревари, против Венецуела и Порторико, одиграни во октомври минатата година. Договорот јасно дефинирал дека Меси мора да помине најмалку 30 минути на теренот на секој натпревар, освен во случај на повреда. Проблемот настана кога не играше аргентинскиот ас против Венецуела, на стадионот „Хард-рок“ во Мајами, туку го гледаше натпреварот од трибините. Фактот што играше за Интер Мајами во МЛС-лигата веќе следниот ден предизвика дополнителен револт кај организаторите, што, според нивните тврдења, ја доведува во прашање оправданоста на неговото отсуство.
Иако Меси подоцна играше против Порторико, спорот дополнително се влоши со промената на локацијата на еден натпревар, кој беше преместен од Чикаго во Форт Лодердејл, што резултираше со загуба од повеќе од милион долари, според тужбата.
Промоторот, исто така, тврди дека му била ветена отштета преку идните натпревари на Аргентина во Кина, во текот на 2026 година, но никогаш не се случило тоа. Поради сето погоре наведено, ВИД сега бара судска отштета за загубените пари и за дополнителните трошоци.
Ова не е првпат Меси да се соочи со правни проблеми поврзани со неговите настапи. Неодамна беше решена групна тужба во Канада, каде што навивачите ги обвинија МЛС и Ванкувер вајткепс за лажно рекламирање натпревар каде што очекувале да го видат Меси и други ѕвезди, кои на крајот не се појавиле.
- Односот со навивачите и со соиграчите
Иако Меси има репутација на смирен, резервиран и примерен спортист, сведоштвата на и надвор од теренот откриваат дека тој има и сосема поинаква страна – импулсивна. Меси ретко добива црвени картони на теренот, но неговите поранешни соиграчи, противници и тренери откриле дека во моменти на гнев покажува црти на себичност и на суровост.
„Тиранин“ на тренинг
Поранешниот менаџер на Барселона, Роналд Куман, како и соиграчот Рафаел Маркес, потврдија дека Меси може да биде исклучително непријатен во текот на тренинзите. Кога ќе загубеше неговиот тим, тој беше бесен со денови и ги игнорираше своите соиграчи. Кике Сетиен, исто така, призна дека Меси е исклучително тежок за управување, бидејќи бара болно високи стандарди од сите.
Инцидентот со Вегорст и со Ван Гал (Светско првенство 2022)
По напнатиот натпревар против Холандија, светот виде сосема нов Меси. Прво, тој иронично го прослави голот пред тренерот Луј ван Гал, а потоа, среде интервју во живо, луто му се налути на холандскиот напаѓач Вут Вегорст: „Што гледаш, глупаку? Продолжи понатаму“.
Физички конфронтации и провокации
Во текот на својата кариера, Меси има неколку ситуации каде што ја загуби самоконтролата. Тој им се нафрли в лице и ги зграпчи за врат играчите како Серхио Рамос, Јанг-Мбива, па дури и Жоао Феликс.
Исто така, имаше снимки од неговото време во Барселона, каде што намерно ја шутна топката директно кон навивачите на Реал Мадрид на стадионот „Сантијаго Бернабеу“, од лутина.
