„Телото на мачениот водач“ пристигна во Големата џамија: Започна шестдневната погребна церемонија на Али Хамнеи

Посмртните останки на убиениот ирански врховен водач, ајатолахот Али Хамнеи, кој беше убиен во американско-израелски напад на 28 февруари, денес беа донесени во Големата џамија во Техеран, каде што започнува повеќедневна церемонија на жалост за водачот на Исламската Република. Покрај неговото тело, изложени се и ковчезите на неговата ќерка, снаа, внука и зет, кои исто така беа убиени во истиот напад.

Иранската државна новинска агенција ИРНА соопшти дека „телото на мачениот водач“ пристигнало во Големата џамија, додека Фарс објави снимки на кои се гледа ковчегот обвиткан со националното знаме додека толпата го носи во џамијата, објави Си-Ен-Ен.

Вечерта пред тоа, во близина на Имамот Хомеини Хусеини, местото каде што, според официјалните ирански тврдења, беше убиен Хамнеи, се одржа првиот голем погребен собир. На настанот присуствуваа илјадници членови на семејствата на загинатите воени и безбедносни лица, од кои многумина плачеа покрај ковчезите на починатите.

Улиците на главниот град беа исполнети со граѓани облечени во црно, носејќи ирански знамиња и фотографии од поранешниот врховен водач.

Државните медиуми прикажаа сцени од толпата како пее, му оддава почит на Хамнеи и емотивно се збогува со него.

In an unannounced event, the coffin carrying the body of the martyred leader Ayatollah Khamenei was brought to the site of his martyrdom.#Revenge pic.twitter.com/ejWhaZ2Y1m

— IRIB (Islamic Republic of Iran Broadcasting) (@iribnews_irib) July 2, 2026

Портпаролот на организацискиот одбор за погребот, Иман Атарзаде, изјави дека ова е прва официјална програма за збогување и нагласи дека присуството на семејствата на жртвите е израз на посветеност на „неговото политичко и религиозно наследство“.

Според плановите на владата, комеморациите и погребните настани ќе траат од сабота до четврток. Официјалните лица проценуваат дека помеѓу 15 и 20 милиони луѓе би можеле да присуствуваат на церемониите, што ќе биде најголемиот државен погреб во историјата на Иран.

Претседателот на иранскиот парламент и главен преговарач, Мохамед Багер Галибаф, го повика населението масовно да одговори, наведувајќи дека ова треба да биде одговорот на смртта на Хамнеи, објавува CBS.

– Повикот на нацијата за одмазда мора да одекне во ушите на целиот свет – рече Галибаф.

Се очекува да пристигнат и делегации од околу триесет земји, како и голем број граѓани од соседните земји, вклучувајќи ги Ирак, Авганистан и Пакистан.

A delegation of Indian religious leaders paid tribute to the martyred Leader of the Islamic Republic of Iran, Ayatollah Ali Khamenei. pic.twitter.com/Ji1i3vNkGm

— Iran in India (@Iran_in_India) July 3, 2026