Телата на исчезнати планинари пронајдени на Алпите по 34 години

Телата на двајца белгиски алпинисти кои исчезнаа во Швајцарските Алпи пред 34 години се пронајдени откако ги ослободи топењето на глечерот Трифт, соопшти денес швајцарската полиција.

Алпинист пријавил дека пронашол две тела на глечер во јужна Швајцарија, во близина на италијанската граница, на 26 јули, соопшти регионалната полиција на кантонот Вале.

Телата се однесени во Институтот за судска медицина во болницата Вале во Сион за идентификација, објави Swissinfo.

„Со директна споредба на ДНК профилите официјално се идентификувани двајцата планинари кои исчезнаа во областа Вајсмис во 1992 година“, се вели во соопштението.

Двајцата Белгијци имале 39 и 41 година кога исчезнале.