Зоолошката градина во Битола има пет нови животни. Тие се донација од Зоолошката градина во Белград, установа со која соработува Зоолошката градина во Битола повеќе децении.
Од Градината информираа дека е збогатено тамошното зоосемејство со егзотичната птица свет ибис, со африканската мачка сервал, був, берберска овца од карпестите предели и со американски ракун.
-Сите нови жители успешно го поминаа патот, сместени се во своите нови живеалишта и се под будното око на нашиот ветеринарен тим. Меѓуинституционалните соработка и размена се клучни за унапредување на условите, збогатување на нашиот фонд и за едукација на посетителите. Му се заблагодаруваме на тимот од Зоолошката градина во Белград за прекрасната соработка – информираа од битолската Зоолошка градина.
Зоолошката градина има повеќе од 400 животни од 30 различни вида.
ИЗДВОЕНИ
СТАРИ И БЕСПОМОШНИ, СВИРЕПО НАПАДНАТИ ВО СВОИТЕ ДОМОВИ – ДВЕ УБИСТВА ЗА ПЕТ ДЕНА ГО ЗАВИЈА СКОПЈЕ ВО СТРАВ
До документ со неколку клика на мобилен – нема веќе губење денови по шалтери
Со онлајн список, но без торба за на пазар – пиперки и домати за пола час на врата!
Пред пратениците 124 амандмани – за зголемување на минималецот, за студентски оброк и за поддршка за земјоделците
