Македонскиот ракометен вицешампион, Еурофарм Пелистер, го затвори кругот на засилувања за новата сезона откако го претстави новиот член Алекса Колаковиќ, среден бек од Србија со богато интернационално искуство.
Колаковиќ (28) е српски репрезентативец, а со пелистерци се обврза на едногодишен договор, со можност соработката да биде продолжена на уште една сезона.
– Мозаикот за сезоната 2026/2027 го комплетираме со доведување на уште еден среден бек. Нов член на Еурофарм Пелистер е Алекса Колаковиќ, кој се обврза на договор на една сезона, со опција за уште една. Се работи за 28-годишен српски репрезентативец, роден во Подгорица, кој доаѓа во Битола од францускиот ракомет.
По четири сезони во Сант-Рафаел и две во Шартр, Колаковиќ го прифати предизвикот да дојде во најракометниот град и да игра пред најдобрата публика во светот. Средниот бек има шест настапи за српската репрезентација, а настапите во една од најсилните лиги во светот беа добра препорака за трансферот во Битола.
Србинот е деветто засилување за новиот тренер Лино Червар, по: Серафимов, Котар, Мехмедовиќ, Џелетовиќ, Татар, Белистојаноски, Басанесе и Џелиловиќ – велат од редовите на Пелистер.
ИЗДВОЕНИ
ДВЕ ГОДИНИ ОД ВЛАДАТА НА ПРЕМИЕРОТ ХРИСТИЈАН МИЦКОСКИ, АНАЛИТИЧАРИТЕ ОЦЕНУВААТ: Половина мандат, половични оцени – најсериозните предизвици остануваат
Секој ден по две повреди на работното место, градежништвото останува најсмртоносно
Инспекторите им дишат во врат, Мицкоски им се закани со казни, ќе ги намалат ли цените маркетите?
Дизелот ќe поевтини за 7 денари, бензините до 4 денари по литар – Македонија со најевтини горива од соседите
