Претставници на локалната власт од Кемниц (Германија), Горица (Италија) и од Нова Горица (Словенија) утре ќе го посетат Скопје за низа заеднички активности со Град Скопје, со цел да споделат искуства поврзани со титулата европска престолнина на културата (ЕПК), која Скопје ќе ја има во 2028 година.
Програмата ќе започне во 10:00 часот со состанок на високо ниво во Град Скопје, што ќе им даде можност на градоначалниците учесници да разменат мислења за можностите и предизвиците од одржувањето на европската престолнина на културата.
Потоа учесниците ќе имаат симболична прошетка низ градот, од мостот „Гоце Делчев“ до „Јуроп хаус“ во Скопје.
Официјалното отворање на работната сесија ќе се одржи во „Јуроп хаус“ во Скопје, од 12:00 до 12:30 часот, со воведно обраќање на: Бен Нупнау, вршител на должноста амбасадор, Делегација на Европската Унија; скопскиот градоначалник, Орце Ѓорѓиевски; Само Турел, градоначалник на Нова Горица; Родолфо Зиберна, градоначалник на Горица и Џозефин Хаге, Кемниц – европска престолнина на културата.
По отворањето ќе следува техничка работилница, каде што претставниците од европските престолнини на културата за 2025 година ќе ги разменат најдобрите практики со организацискиот тим на „Скопје 2028“.
Посетата ќе заврши со отворање на изложбата „Инспирација“, со фотографии од европските престолнини на културата за 2025 година, во Музејот на Град Скопје, во 18:00 часот. Изложбата ќе биде отворена за јавноста, бесплатно, од 15 до 26 април 2026 година.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
