Градоначалникот на Општина Центар, Горан Герасимовски, гостуваше на конференцијата PARkon 2026 во Белград, на која учествуваа претставници на јавните претпријатија за паркирање од регионот.
На настанот на Општина Центар ѝ била доделена јубилејна благодарница од Здружението на паркиралишта на Србија за исклучителен придонес, долгогодишна соработка, поддршка и несебична професионална работа во развојот на паркинг-индустријата.
-Конференцијата беше и повод за одбележување на два значајни јубилеја – 55 години од работењето на „Паркинг сервис Белград“ и 25 години од постоењето на Здружението на паркиралишта на Србија – соопштија од Општина Центар.
Во своето обраќање, Герасимовски истакнал дека градовите во регионот се соочуваат со слични предизвици и дека размената на искуства може да помогне во наоѓањето подобри решенија.
-Бројот на возила постојано расте, а расположливиот простор е сè помал. Од нас се очекува да најдеме решенија кои ќе бидат функционални, правични и долгорочно одржливи – истакна Герасимовски.
Тој посочил дека Општина Центар, заедно со ПОЦ, работи на унапредување на системот за паркирање, со приоритет на потребите на жителите и развој на дигитални услуги што им го олеснуваат секојдневието на граѓаните. Притоа, нагласил дека, покрај технологијата, за добри резултати се потребни јасни правила, добра организација и разбирање на потребите на граѓаните.
Герасимовски им ги честитал јубилеите на домаќините и се заблагодари за поканата и гостопримството, изразувајќи уверување дека соработката меѓу општините и јавните претпријатија ќе продолжи и во иднина.
ИЗДВОЕНИ
МАЛОЛЕТНИК ИЗЛЕГОЛ ОД „ПУЛС“ ПОРАДИ ПОЛИЦИСКА КОНТРОЛА, А ПОЖАРОТ ГО ЗАТЕКНАЛ ПРЕД ВЛЕЗОТ
Мерц од Будва повикува на брзо пристапување на балканските земји кон Европската унија: СМЕТАЈТЕ НА ПОДДРШКАТА ОД ГЕРМАНИЈА
Евроамбасадорот Рокас: ЕУ ќе одвои уште 40 милиони евра за зајакнување на воените капацитети на земјава
Таткото на сопругата на Ристов сведочеше: „Дадовме 70.000 евра за станот, се договоривме пола-пола“
