Сопругата на украински олигарх претрпе сериозни повреди во експлозијата во Монако – нозете ѝ беа ампутирани во болница – сега ја чуваат ЕЛИТНИ ЕДИНИЦИ, додека напаѓачот се уште е на слобода

Контроверзниот украински олигарх Вадим Ермолаев (58) и неговата сопруга Ана (56) беа сериозно повредени во понеделник вечерта во бомбашки напад во лобито на нивната луксузна станбена зграда „Сан Палас“ во Монако.

Според француските медиуми, во зградата експлодирала направа исполнета со завртки и навртки, а најтешките повреди ги претрпе Ана Ермолаев, чии нозе беа ампутирани во болница. Нивниот син Давид исто така беше полесно повреден во нападот, додека уште четири лица се во болница со шок и исеченици.

Ukrainian oligarch and his family are guarded by French special forces as they recover from bomb attack that saw ‘tycoon’s wife lose both legs’ https://t.co/s4HyDfW7eF

— Daily Mail (@DailyMail) June 30, 2026

Сторителот е сè уште на слобода, а полицијата го опиша како „вооружен и опасен“.

Државниот секретар на Монако, Кристоф Мирманд, изјави дека безбедносните камери го покажале напаѓачот како вози низ зградата неколку пати пред експлозијата, што укажува дека вршел строг надзор и чекал жртви.

Поради сериозноста на ситуацијата, двојката беше итно префрлена во болница во Ница, каде што се чуваат во безбедни соби под заштита на вооружена полиција и елитната тактичка единица RAID на Франција, специјализирана за борба против тероризмот и заштита на ВИП личности.