На денешната седница на Советот на Град Скопје беше изгласана меѓуопштинска соработка со општините Кисела Вода и Шуто Оризари, во рамките на која е предвидена санација, продолжување на улици и водоводна мрежа на повеќе значајни локации.
Во општина Кисела Вода, со пробивање, односно продолжување на улицата „Димо Хаџи Димов“ до кружниот тек се добива подобро сообраќајно поврзување, поголема безбедност, растоварување на движењето и современо инфраструктурно решение за овој дел од градот.
-Улицата „Димо Хаџи Димов“ е значајна сообраќајна артерија за жителите на Кисела Вода, а со нејзиното продолжување создаваме функционална врска која ќе го олесни секојдневното движење на граѓаните, ќе го намали метежот и ќе придонесе за поуреден и побезбеден урбан простор – велат градските власти.
Во Шуто Оризари пак ќе се работи на санација на улицата „Македонско-косовска бригада“ 38, санација на главната улица во населеното место Горно Оризари, како и санација на улица ,,37” со изградба и подобрување на водоводната мрежа.
ИЗДВОЕНИ
Голем успех на македонскиот филм во Сараево; Пет награди за „17“ и „Скејтбордингот“, Ева Костиќ – најдобра актерка
Западнонилската треска ја шири ризичната карта во Скопје – високоризични 13 зони!
ОЈОГОKК: Нема кој да се жали за модуларните бидејќи нема оштетен, Резолуцијата, сама по себе, не значи дека предметот е затворен, ако има докази ќе се реотвори
Ќе паѓаат ли сметките за струја?
