Силна експлозија ја потресе Малта! Густ чад го покри небото, се тресеа земјата и прозорците, има повредени/ВИДЕО

Силна експлозија, проследена со серија помали детонации, го потресе подрачјето Салин на Малта утрово по експлозијата во фабрика за огномет. Експлозијата се случи во фабриката за огномет во Лурд. Најмалку две лица се повредени, а причинета е и голема материјална штета на околните згради.

Двајца мажи, на возраст од 67 и 47 години, беа однесени во болница со полесни повреди по експлозијата, објавува Малта Тудеј.

Двајца жители на заливот Сент Полс биле на полиња во близина на фабриката во времето на експлозијата и се вели дека претрпеле шок.

Полицијата потврди дека ниту еден од лиценцираните работници на фабриката не бил на лице место кога се случила експлозијата.

No it’s not wartime in Malta but a fireworks factory explosion. I’m told the blast was heard all over the island. There must be casualties. pic.twitter.com/nkPU0mZTwZ

— Philip Micallef ❤️🖤❤️🖤❤️🖤 (@MicallefPhilip) June 1, 2026

Полицијата, Одделот за цивилна заштита, вооружените сили на Малта и медицинскиот персонал се на лице место за да ја обезбедат безбедноста на областа, а јавноста е повикана да ја избегнува областа.

Премиерот на Малта, Роберт Абела, рече дека неговите мисли се со оние што се погодени од инцидентот, додавајќи дека службеници и владини претставници веднаш биле испратени на местото на настанот за да помогнат.

Претседателката на Европскиот парламент, Роберта Мецола која е од Малта, изјави дека е погодена поради експлозијата, која „ја шокираше нејзината земја“. Таа им оддаде посебна почит на Цивилната заштита и на сите оние кои беа на терен „во овие тешки околности“.