Тргнувате на летување во Грција? Што смеете, а што не можете да внесете преку граница!

Со почетокот на летната туристичка сезона, прашањето што е дозволено да се внесе во Грција преку граница се поставува повторно секоја година. Меѓу најчестите сомнежи е количината на цигари што патниците можат да ги носат, а во јавноста често се појавуваат неточни информации дека е дозволено да се внесат две или дури три пакувања по лице, пишува Nikana.gr.

Правилата за внесување стока во Грција се јасно пропишани. Непочитувањето на нив може да доведе до запленување на стока, казни или други непријатности на границата.

Подолу, презентираме преглед на работите што се дозволени, но и оние што не се дозволени да се внесат во Грција од земји што не се членки на Европската Унија.

Храна што не смеете да ја внесувате преку границата со Грција

Според важечките прописи на Европската Унија, кои се применуваат во Грција, строго е забрането да се внесуваат:

Сите видови месо и месни производи
Млеко и млечни производи
Готвени и пржени јадења што содржат месо или млечни производи
*Можете да ги проверите и овие прописи на официјалната веб-страница на Европската комисија:
Внесување храна во ЕУ од земји кои не се членки на ЕУ
Царинските службеници можат да запленат и уништат забранети производи, а во некои случаи се можни казни или кривични постапки.

Храна што можете да ја внесувате преку границата со Грција
Дозволени се одредени видови храна, но само ако ги исполнуваат следниве услови:
Производот не е лесно расиплив и не бара ладење.
Производот е во фабрички затворена, неоштетена амбалажа.
Се користи од здравствени причини или за доенчиња.
Храна за домашни миленици доколку е неопходна за здравјето на домашното милениче. Дозволени количини храна по патник
Млеко во прав за бебиња, медицинска храна – до 2 кг
Храна за домашни миленици (здравствени причини) до 2 кг
Друга спакувана храна без месо и млеко (на пр. мед, тестенини, ориз) – до 10 кг
Правила за внесување храна во ЕУ од трети земји
Дозволени количини алкохол за лична употреба
Патниците од земји кои не се членки на ЕУ, можат да внесат во Грција следниве количини алкохолни пијалоци:

4 литри лесно вино
16 литри пиво
Дополнително, дозволено е да се внесе една од следниве комбинации:

1 литар силен алкохолен пијалок со над 22% алкохол (на пр. вотка, џин)
Или 1 литар алкохол со најмалку 80% алкохол
Или 2 литри зајакнато вино (шери, порто) или пенливо вино
Овие количини може да се комбинираат едни со други, но не смеат да се надминат во рамките на секоја категорија.

Колку цигари може да се внесат преку границата во Грција? Грција има построги ограничувања за увоз на тутунски производи при влез по копнен пат, дозволувајќи внес на:

40 цигари или
20 цигарилоси или
10 пури или
50 грама тутун
Можете да ги комбинирате овие производи, но вкупната количина не смее да ги надмине дозволените граници.

Бројката од 800 цигари често се шпекулира во јавноста. Ова е точна бројка, но важи за патници од земјите од ЕУ. За патниците што влегуваат во Грција од земји надвор од ЕУ, дозволениот број е 40 цигари – две пакувања по возрасен патник. На малолетниците им е забрането да транспортираат тутун и алкохол.

Ограничувањата важат по патник, а не по возило.

Непријавената стока може да вреди до 300 евра по лице (150 евра за лица под 15 години).
Непријавувањето скапи уреди (лаптопи, фотоапарати) генерално се толерира, но може да предизвика проблеми при напуштање на земјата.

Готовина што надминува 10.000 евра мора да се пријави при преминување на границата.

За препрака секогаш почитувајте ги правилата и нема да имате никакви непријатности и стрес при преминување на границата.