вторник, ноември 17, 2026
Дома МАКЕДОНИЈА Штипските средношколци од угостителскиот смер подготвуваа јапонска храна

Штипските средношколци од угостителскиот смер подготвуваа јапонска храна

63

Средношколците од угостителскиот смер во Државното средно училиште „Коле Нехтенин“ учеа како да приготват суши и онигири, автентични јапонски јадења.

Под менторство на Кјоко Нишикава, шеф готвач во Амбасадата на Јапонија, идните угостители имаа можност да ги совладаат традиционалните техники на јапонската кујна.

– За подготовката на суши треба ориз, оризов оцет, сушени морски алги – вели Нишикава.

Директорката на СОУ „Коле Нехтенин“– Штип, Јованка Шалева, нагласи дека ова гостување на претставници од амбасадата на Јапонија е почеток за една убава соработка, а на овој начин учениците имаат и практична настава. 

– Имаме несекојдневна можност наши гости да бидат претставници од јапонската амбасада, кои за нашите ученици ќе подготват дел од нивните специјалитети. Ова е почеток за една идна соработка при која ќе имаме пригода ние да им ги покажеме нашите специјалитети – рече Шалева.

Професорот, Горан Антониевски, пак, истакна дека ова е одлична презентација на јапонската храна.

 

ИЗДВОЕНИ