Светското првенство во атлетика во 2029 година ќе се одржи во Најроби, одлучи Светскиот атлетски совет во Будимпешта. На состанокот во Будимпешта беше одлучено СП во атлетика во 2031 година да се одржи во Минхен.
– Имавме среќа да добиеме четири извонредни кандидатури за 2029 и за 2031 година, па затоа одлуката на Советот воопшто не беше лесна. Квалитетот, амбицијата и посветеноста што ја покажаа сите кандидати ја потврдуваат силата и глобалната привлечност на Светското првенство. Со денешната одлука на Советот, продолжуваме да ја исполнуваме нашата мисија за развој на атлетиката низ целиот свет, организирајќи го редот на три изданија на СП во Азија, Африка и во Европа. Најроби и Минхен на крајот презентираа два исклучително убедливи предлози. Тие нудат многу различни, но подеднакво возбудливи можности за нашиот спорт. Многу ми е мило што сега можеме да почнеме соработка со двата града за организација на две првенства од светска класа – изјави претседателот на Светскиот атлетски совет, Себастијан Коу.
Претходно беше одлучено СП 2027 да се одржи во Пекинг.
