Се истражува украинската врска со дронот полн експлозив пронајден кај Лефкада/ВИДЕО

Поморскиот дрон полн со 100 килограми експлозив, пронајден од рибари кај грчкиот остров Лефткаде, е прогласен за безопасен, објави грчката радио станица ERTNews. Дронот долг шест метри е пронајден во четврток во близина на карпите кај Јонскиот остров, со сè уште вклучен мотор и е одвлечен до мало пристаниште на островот, без рибарите да бидат свесни за неговата содржина.

ERTNews објави, повикувајќи се на информации од грчката крајбрежна стража, дека експлозивите биле детонирани во контролирана експлозија и дека дронот бил одвлечен до специјален поморски објект каде што е во тек истрага за неговото потекло, технички способности и рута.

„Ова е сериозен случај“, изјави министерот за цивилна заштита Михалис Хрисохоидис за грчкото радио, а грчките медиуми објавија дека дронот бил MAGURA произведен во Украина. Вакви дронови се користат во војната на Украина со Русија.

❗Ukrainian 🇺🇦 USV drone spotted in Greece 🇬🇷.

A stranded Ukrainian "Magura" type drone was spotted by fishermen off the island of Lefkada in the Ionian Sea.

It's worth noting that on March 18th, the Ukrainian Armed Forces carried out a covert operation off the coast of Malta… pic.twitter.com/NFsLGTUoQz

— chris papakofopoulos (@christosKoffas) May 8, 2026

Весникот „Катимерини“ објави дека властите истражуваат врска со употребата на поморски дронови од страна на Украина за таргетирање на руската флота танкери во сенка. Напади од ваков тип се пријавени во Средоземното Море и претходно, помеѓу Либија, Крит и во близина на Малта.

Сведоци рекоа дека моторот на дронот сè уште работел, што довело до сомневања дека операторите го изгубиле контактот со него и дека тој патувал сè додека не го погодил брегот.

Властите во Атина изразија загриженост дека морнарички дрон опремен со експлозиви стигнал до туристичкиот остров, наведувајќи ја поморската безбедност, заканите за инфраструктурата и безбедноста на населението.