Поранешниот германски канцелар Герхард Шредер присуствуваше на прославата на 74-тиот роденден на рускиот претседател Владимир Путин, соопшти синоќа Кремљ.
На фотографиите објавени на Телеграм се гледаат Герхард Шредер и Владимир Путин како широко се насмевнуваат и се ракуваат пред печка во стар стил и самовар, пренесе британската новинска агенција Ројтерс.
„Претходниот ден, додека ги гледаше утринските вести, Владимир Путин дозна дека Герхард Шредер е во Москва, каде што пристигнал во име на компанијата ’Хиперглобус‘“, наведе Кремљ на Телеграм.
Владимир Путин отмечал свой день рождения в компании бывшего немецкого канцлера Герхарда Шрёдера, сообщили в Кремле.
Ранее люди Шрёдера вели тайные переговоры с представителями России в Баку 🔽
https://t.co/skLM1OU5ow https://t.co/ShqJrc2Bq9
— Важные истории (@istories_media) October 8, 2026
Рускиот претседател го поканил „својот стар пријател во својот дом. Герхард Шредер беше со Владимир Путин кога шефот на државата го славеше својот роденден на 7 октомври“, додадоа од Кремљ.
Герхард Шредер (82), кој ја извршуваше функцијата германски канцелар од 1998 до 2005 година, неодамна се приклучи на надзорниот одбор на рускиот синџир супермаркети „Хиперглобус“.
