Русија е подготвена да ги искористи сите расположливи средства, вклучително и нуклеарното оружје, за да го заштити регионот Калининград од изолација, соопшти Руската амбасада во Ирска.
„Се појавија извештаи дека НАТО подготвува воздушна и поморска блокада на Калининград и на регионот Калининград. Ова не е измислица, туку прашање што предизвикува сериозна загриженост кај Русија. Неодговорната и кратковида европска политичка елита игра опасна игра“, се вели во соопштението, пренесено од агенцијата ТАСС.
„Не треба да има сомнеж дека Русија би била подготвена да го употреби целиот свој арсенал, вклучително и нуклеарното оружје, за одбрана на својата територија доколку земјите од НАТО се обидат да го изолираат регионот Калининград од остатокот на земјата“, се додава во соопштението.
„Во такво сценарио, ризикот од вооружен конфликт е голем, при што постои можност Русија да изврши превентивни напади врз центрите за носење одлуки во земјите на Алијансата во раните фази на конфликтот“, се наведува во соопштението, со предупредување до Европа дека ова прашање е „исклучително сериозно и се третира како такво“.
ИЗДВОЕНИ
Носи ли Фон дер Лајен излез од бугарското вето?!
ПРЕТРЕСИ ВО СИНГЕЛИЌ, ЧАИР И ВО БРЕСТ: Тројца под истрага за тероризам, запленети оружје и материјали на ИСИС
Инфлацијата паѓа, економијата расте, но ниту храната поевтинува ниту имаме повисок животен стандард
Државата се спрема сама да го гради „Чебрен“, кој ќе ги вложи милијардите?
