Русија за првпат во војната со Украина употребила млазен дрон со боева глава/ВИДЕО

Русија за првпат употреби дрон на млазен погон опремен со специјализирана боева глава, дизајнирана за уништување на далноводи. Деталите за нападот, кој се случи на 30 септември, ги објави Серхиј Бескрестнов, советник на украинскиот претседател и експерт за радиотехнологии, според пишувањата на „Украинска правда“.

Според Бескрестнов, оружјето поседува специјализирана боева глава за сечење со кумулативно дејство (KRSN). Тој ја објасни нејзината намена и состав.

„Оваа боева глава е развиена исклучиво за уривање на столбови за висок напон и челични мостовски конструкции. KRSN се состои од главно полнење од 40 килограми и четири дополнителни модули за уништување“, изјави Бескрестнов.

🚨Grim News: Russia has begun using specialized munitions to destroy high-voltage pylons and metal bridges, says Zelenskyy's advisor.🇷🇺🚀🔥

▪️ "Today, the Russians used a special munition—a shaped-charge cutting munition (KRSN)—on a jet-powered UAV [in Kiev] for the first time,"… pic.twitter.com/3uHWYbV0BV

— Aleksey The Great 🇷🇺🎖 (@aleksthgrt) September 30, 2026

Употребата на вакво оружје на дронови на млазен погон укажува на тоа дека Русија планира да ги интензивира нападите врз украинската електроенергетска мрежа. Русија сè почесто користи беспилотни летала (UAV) на млазен погон во своите напади врз Украина.

Во јули беа регистрирани пет пати повеќе вакви напади во споредба со јуни. Покрај тоа, руската воена индустрија започна со сопствено производство на кинески млазни мотори по проблемите со директната набавка од Кина.

Ова го потврдува анализата на остатоците од дроновите спроведена од специјализирана агенција. „Украинска правда“ имаше увид во наодите од оваа анализа. Најновата серија руски напаѓачки дронови „Геран-4“ и „Геран-5“ е опремена со кинески млазни мотори „Telefly TF-TJ2000A“, кои се склопуваат во погонот во Алабуга.