Руските власти денес ја осудија улогата на Европската Унија (ЕУ) на вчерашните парламентарни избори во Ерменија, на кои победи партијата на премиерот Никол Пашинјан, објавија руските медиуми.
„Парламентарните избори се одржаа во контекст на невиден притисок врз опозицијата и мешање од страна на Западот, првенствено ЕУ“, изјави портпаролката на руското Министерство за надворешни работи, Марија Захарова.
Таа додаде дека целата изборна кампања и самото гласање се одржале „во атмосфера на жестока репресија од страна на ерменските власти против опозициските партии и движења, нивните активисти и нивните поддржувачи“.
Портпаролот на Кремљ, Дмитриј Песков, од своја страна, им изјави на новинарите дека за време на изборите се случиле бројни неправилности, без да даде дополнителни детали.
Ерменскиот премиер Никол Пашинјан, кој се сврте кон Западот, победи на парламентарните избори.
Неговите противници ги осудија неправилностите, а неговиот главен ривал Самвел Карапетијан, исто така, го осудија апсењето на членовите на неговиот предизборен тим.
ЕУ и европските лидери изразија поддршка за Никол Пашинјан и ветија дека ќе ѝ помогнат на Ерменија да се соочи со Москва, објавија француските медиуми.
Самата Русија е обвинета за мешање во ерменските избори, особено преку дезинформативна кампања насочена кон гласачите, пренесе „Бета“.
ИЗДВОЕНИ
ПРОМЕНАТА НА ИЗБОРНОТО ЗАКОНОДАВСТВО ВО НАЈДЕЛИКАТНА ФАЗА: Ќе чека ли една изборна единица некои други избори?
Домашните трговски марки со силен извозен потенцијал добиваат нов поттик
Струјата, од следната година, би можела да поевтини за 5 до 10 проценти, најави Мицкоски
Расте револтот во аграрот, земјоделците бараат смена на Трипуновски и најавуваат протести
