Палестинското здружение на затвореници денес објави дека Израел нагло ги зголемил апсењата на палестински жени низ окупираниот Западен Брег и дека вкупно 95 жени сега се во израелските затвори.
Во соопштението, кое го пренесе „Ал Џезира“, се наведува дека израелските сили денес уапсиле уште три жени од Хобар, северозападно од Рамала, градот Џенин и бегалскиот камп Аин во Наблус.
Според соопштението, една од притворените жени била сопруга на затвореник, пренесува „Танјуг“.
Здружението на затвореници соопшти дека сведоштвата од притворените укажуваат на прекршување на законот, вклучително и тепање, злоупотреба и понижувачки тактики.












