Русија бомбардираше училиште во кое се делело хуманитарна помош, најмалку 26 загинати/ВИДЕО

Најмалку 26 лица загинаа, а петмина се повредени при руско бомбардирање на училиште, кое се користело како центар за дистрибуција на хуманитарна помош во селото Комишуваха, во југоисточниот украински регион Запорожје, соопштија украинскиот претседател Володимир Зеленски и службите за итни случаи.

Меѓу загинатите има двајца спасувачи и четворица полицајци, додека меѓу повредените се наоѓаат уште двајца спасувачи, пренесува Ројтерс.

Во своето вечерно видеообраќање, Зеленски изјави дека руските сили прво фрлиле авионски бомби врз училиштето, кое служело како засолниште и место за делење хуманитарна помош на локалното население.

One civilian was killed and two others were injured by today’s russian terrorist attack on Zaporizhzhia 😡! Civilian cars were completely destroyed 😡! @IntlCrimCourt #RussiaIsATerroristState https://t.co/9ta6V5zrmf https://t.co/oD2ibH9alT

— Clown (@DanaSLJL) November 2, 2026

Според него, уследил втор напад, при што било погодено засолништето во кое се наоѓале жителите. Тој истакна дека руските сили мора да биле свесни оти на таа локација секој понеделник се дели хуманитарна помош.

Училиштето веќе не се користело за настава бидејќи селото се наоѓа во близина на линијата на фронтот.

https://t.co/F7z9IefHhC Komyšuvacha v Záporožské oblasti po ruském útoku. 26 mrtvých. Záchrannou operaci komplikují nálety ruských dronů a další útoky leteckými bombami. Zveřejnila Trucha. pic.twitter.com/pz2tqXZ6ug

— Martin Dorazín (@mdorazin) November 2, 2026

Регина Харченко, секретар на Градскиот совет на Запорожје, изјави дека по нападот 27 лица се водат како исчезнати. Полицијата и спасувачките екипи продолжуваат со пребарување на урнатините во потрага по преживеани.

Зеленски ја обвини Москва дека продолжува со нападите врз цивили, наместо да ја искористи можноста за спроведување хуманитарни мерки и деескалација на конфликтот. Во меѓувреме, се очекува претставници на Украина, Русија и САД да одржат нова рунда разговори во Абу Даби на 10 и 11 ноември, во обид да се најде решение за ставање крај на војната.