Американските претставници ги информирале своите европски колеги за доцнењата во испораката на одредени нарачки за оружје поради војната со Иран, објави британската агенција „Ројтерс“ на својата веб-страница денес, повикувајќи се на извори блиски до ова прашање.
Неименуваните извори прецизираа дека неколку земји би можеле да бидат погодени од доцнењата, вклучувајќи ги балтичките и скандинавските земји.
Дел од оружјето е купено во рамките на програмата на Министерството за одбрана на САД за продажба на воена опрема во странство, но сè уште не е испорачано, соопштија истите извори.
Дотичните земји биле информирани за можните доцнења во последните денови преку билатерални комуникации.
Извори блиски до министерствата за одбрана на Естонија и Литванија денес изјавија за „Ројтерс“ дека Соединетите Американски Држави (САД) ги информирале за можните доцнења во испораката на воена опрема поради војната на Блискиот Исток.
„Американската војска е најмоќна во светот и ние гарантираме дека американските сили и оние на нашите сојузници и партнери ги имаат ресурсите што им се потребни за да се борат и да победат“, изјави неименуван портпарол на „Пентагон“.
„Од оперативна безбедност причини, нема да коментираме за барањата од одредени сојузници или партнери или за тековните напори за нивна поддршка“, додаде портпаролот.
ИЗДВОЕНИ
КОЛУМНА, ЗВОНКО ДАВИДОВИЌ: Судството како партиски реверс и обвинителството како немо сведоштво
Кандидатите за членство во Унијата ќе се доближуваат преку системот на „градежни блокови“: Макрон и Мицкоски на маса – Европа со нова понуда за Балканот
Агенциите бараат доплата по 20 евра од патник поради поскапите авионски карти
Факултетот за арт и дизајн – 20 години посветеност, знаење, визија и слободно креативно изразување!
