Голем број луѓе денеска се собраа во центарот на Даблин за да го изразат своето противење на тековната посета на американскиот претседател Доналд Трамп на Ирска, јавуваат британските медиуми.
Демонстрантите започнаа марш од „Градината на сеќавањето“ (Garden of Remembrance), пренесува „Гардијан“.
Демонстрантите носат транспаренти и знамиња и извикуваат: „Доналд Трамп, дали нè слушаш? Не те сакаме овде“.
На транспарентите се испишани пораки како: „Сите те мразат“, „Направи лажењето повторно да биде погрешно“, „Нема добредојде за Трамп – член на класата на Епстајн, расист, помагач во геноцид и негирач на климатските промени“, „Американската војска надвор од Ирска“, „Не за тираните, не за диктаторите, не за Трамп“ и „Штрајк против класата на милијардери“, јавува „Скај њуз“.
За време на средбата со ирскиот премиер Михол Мартин претходно денеска, Трамп ја минимизираше важноста на протестите, изјавувајќи пред новинарите: „Не видов никакви протести“.
ИЗДВОЕНИ
Пет секунди пред Мајката Божја што ги чека човек цел живот
17.500 евра за да „помине“ јавна набавка: Приведен помошник-директор во Царина
БУРНО МЕЃУ ВЛАСТА И ОПОЗИЦИЈАТА ВО МАКЕДОНСКОТО СОБРАНИЕ: Расправиите за талогот ги заматија и пратеничките прашања
Пресудата падна, правдата во чекална – „Ласкарци“ се враќа во судските лавиринти!
