Општина Центар го враќа сеќавањето за некогашното корзо во Скопје. По тој повод, за пензионерите, в четврток, со почеток од 19 часот, организира прошетка по некогашното скопско корзо, покрај Ристиќева палата, поранешниот хотел „Македонија“, „Кенан“, „Ванила“ и „Громби“, местата каде што се создаваа најубавите спомени.
– Ќе ве потсетиме на времињата кога најважно беше да видиш некого и да бидеш виден, кога еден дискретен поглед значеше повеќе од илјада пораки на мобилен, а попладневните прошетки беа вистински настан во градот – соопштија од локалната самоуправа.
Оттаму додаваат дека вечерта ќе биде заокружена со игранка во свечената сала на училиштето „Димитар Миладинов“ (поранешно „Браќа Рибар“).
– Повелете на „Носталгија за корзо, сеќавање за едно убаво време“, настан што ќе ве врати во младоста – повикуваат од Општина Центар.
ИЗДВОЕНИ
Граѓаните сами ќе избираат дали ќе одат во пензија на 62 или ќе работат до 73 години
До 20.000 евра за сопствен бизнис, но дали тоа ќе ги задржи младите дома?
14 годишно момче избодено со нож во населбата Ченто, семејството бара пронаоѓање на напаѓачите
Кој ги праќа осудениците во психијатрија наместо в затвор?
