Бројот на жртви од двата земјотреси што ја погодија Венецуела минатата недела се искачи на 2.295, изјави денес претседателот на Венецуелското Национално собрание, Хорхе Родригез.
Родригез во обраќање на државната телевизија изјави дека 11.267 лица се повредени во земјотресите, според моменталните податоци, и дека 6.461 лице е спасено, објави „Ел Паис“.
Привремената претседателка на Венецуела, Делси Родригез, прогласи седумдневна национална жалост за жртвите од земјотресот, почнувајќи од оваа среда, наведе шпанскиот весник.
Венецуела беше погодена на 24 јуни од два силни, последователни земјотреси со јачина од 7,2 и 7,5 степени според Рихтеровата скала, кои се случија во интервал од 39 секунди, а најтешко беа погодени крајбрежната држава Ла Гваира и главниот град Каракас.
По овие два разорни земјотреси, Венецуела беше погодена од повеќе од 600 последователни потреси, претежно со послаб интензитет, од кои еден беше со јачина од 4,6 степени според Рихтер, пренесува Танјуг.
ИЗДВОЕНИ
Скопје се дави по поројот: Поплавени улици, заглавени возила и десетици повици за помош/ФОТО
Се идентификуваат насилниците на врсничкото насилство во Аеродром
Скопје под вода: Силно невреме со град го парализираше градот, поплавени улици и сообраќаен хаос
Дачиќ бара рецепт од Македонија како да се наплатат казните од странците
