За прв пат откако американскиот претседател Доналд Трамп ја ескалира трговската војна со Кина со воведување минимална царина од 145 отсто за повеќето стоки од Кина, Трамп рече дека ќе биде подготвен да се сретне со кинескиот претседател Си Џинпинг, пренесува Си-Ен-Ен.
„Можеби, да, се разбира, во зависност од тоа што ќе каже Скот Бесент“, одговори Трамп на новинарот кој праша дали ќе разговара со Си откако министерот за финансии Скот Бесент и други американски претставници ќе се сретнат со кинеските претставници овој викенд.
Трамп, исто така, рече дека очекува состанокот да биде „многу суштински“.
Тој стави до знаење дека нема да размислува за воведување единствени царини за кинески стоки. Во моментов, најголемиот дел од кинескиот извоз во САД се соочува со царини од најмалку 145 проценти.
„Не можете да одите понатаму. Сега е на 145, па знаеме дека ќе се намали“, рече Трамп во Овалната соба по објавувањето на трговскиот договор со Велика Британија.
Во меѓувреме, Кина воведе минимална царина од 125 отсто за повеќето стоки од САД.
