Легендарниот германски тенисер Борис Бекер не успеа да ја скрие својата нервоза поради една навика на неговиот сонародник Александар Зверев за време на Отвореното првенство на САД.
Зверев постојано ја допираше топката долго време пред вториот сервис, што очигледно почна да им оди на нерви на неговите противници, но и на самиот Бекер.
„Ова постојано удирање на топката на вториот сервис, ве молам. Се збунив кога коментирав“, рече Бекер за време на преносот.
Проблемот е што правилата моментално оставаат простор за ваков вид одложување. Тенисерот има 25 секунди за првиот сервис, додека за вториот сервис нема посебно временско ограничување.
Поради ова, Бекер смета дека правилата треба да се променат.
„Постои итна потреба да се променат правилата во врска со тоа колку време има играчот пред вториот сервис“, рече легендарниот Германец.
