Дури 50 израелски борбени авиони погодија подземен бункер во Техеран изграден за убиениот врховен лидер на Иран, ајатолахот Али Хамнеи, во петок, 6 март, соопшти израелската војска.
Израелските одбранбени сили (ИДФ) соопштија дека операцијата била спроведена во петок во центарот на Техеран, а бункерот се наоѓал под површински комплекс што го користел иранскиот режим.
Врховниот лидер на Иран, Али Хамнеи, беше убиен во првите американско-израелски напади минатата сабота.
„Хамнеи беше елиминиран пред да може да го користи бункерот за време на операцијата „Рикачки лав“, но комплексот продолжиja да го користат високи функционери на иранскиот режим“, соопшти израелската војска на Телеграм.
Израелските воздухопловни сили соопштија дека околу 50 авиони учествувале во операцијата, по прецизни разузнавачки информации од израелската воена разузнавачка служба и во координација со тајната служба Мосад.
Израелската војска го опиша бункерот како „безбедно кризно засолниште“ наменето за Хамнеи да ги насочува борбените операции за време на конфликтот.
Но, Хамнеи никогаш не го користел бидејќи веќе бил убиен во претходни напади. По неговата смрт, комплексот наводно го користеле и други високи функционери на иранскиот режим, според индиската телевизија Њу Делхи (NDTV).
ИЗДВОЕНИ
КОЛУМНА, ЗВОНКО ДАВИДОВИЌ: Судството како партиски реверс и обвинителството како немо сведоштво
Кандидатите за членство во Унијата ќе се доближуваат преку системот на „градежни блокови“: Макрон и Мицкоски на маса – Европа со нова понуда за Балканот
Агенциите бараат доплата по 20 евра од патник поради поскапите авионски карти
Факултетот за арт и дизајн – 20 години посветеност, знаење, визија и слободно креативно изразување!
