Пожар во Визбегово, скопските пожарникари интервенираат со четири возила

Голем пожар утринава има во Визбегово. Според првичните информации од Територијалната противпожарна единица на Град Скопје гори отпад.

Скопските пожарникари се пристигнати со четири возила, а напомош се дојдени и две возила на ЈП Комунална Хигиена.

Екипа на весникот ВЕЧЕР е на лице место и оттаму информираат дека пожарникарите не можат да пристапат. Пожарот се заканува на куќите во Горно Оризари, постои можност за евакуација на населението.

Густиот црн чад се издигна над Скопје и прекри голем дел од градот, предизвикувајќи вознемиреност кај граѓаните.

Фото: Ѕ.Плавевски – П.Стојановски