Во насока на поголема достапност и олеснување на услугите за граѓаните, ЈП „Водовод и канализација“ повторно го стави во функција наплатниот пункт во општина Шуто Оризари, со што жителите на Општината добиваат полесен и поефикасен пристап до услугите за наплата.
По тој повод, директорот на претпријатието, Иван Митровски, изврши увид во функционирањето и подготвеноста на пунктот.
Наплатниот пункт е лоциран во приземјето на општинската зграда и е достапен за корисниците секој работен ден од 8:00 до 15:00 часот.
Од претпријатието велат дека продолжуваат со унапредувањето на услугите и нивното доближување до граѓаните, со цел поголема достапност и ефикасност за сите корисници.
