Нови 72 знаци на новата кружна шеснаесеткилометарска патека, која го поврзува Инфоцентарот на Националниот парк „Пелистер“ со Цапарски вир и Ротинско Езеро.
Од НП „Пелистер“ велат дека е направена и финална подготовка на подлогата во пресрет на големата промоција која е закажана за в сабота.
– Со новата сигнализација патеката е лесно достапна и за помалку искусните посетители на НП „Пелистер“. Уживајте во прекрасната и недопрена природа на Пелистер и не заборавајте дека за заштита и зачувување на ова наше богатство, одговорни сме сите ние – потенцираат од Паркот.
Новата планинска патека на Пелистер в сабота ќе биде промовирана со голем музички настан на Ротинско Езеро под името „Протокол мираж“.
– Новиот шеснаесеткилометарски круг го поврзува Инфоцентарот на Пелистер со Цапари и Ротино, а ќе биде промовирана и нова кружна планинска патека која започнува од Цапари и води до еден од најубавите природни видиковци на Пелистер, наречен Лоша Стена (која се наоѓа на околу 1.220 метри) – информира Иванчо Тошевски, директор на Паркот.
Промотивниот настан ќе го организираат „Проџект 7.000“ и Националниот парк „Пелистер“ со поддршка на „Екстрим бајк“ од Битола, Велосипедска федерација на Македонија и Федерација за планинарство на Македонија.
ИЗДВОЕНИ
Од тротоар, до операциона сала: Деца од седум години меѓу повредените од пад од тротинет
Стан од фирма на Ѓаволот, средби со Стафа во судиската канцеларија, судски одлуки и тефтер со изброени пари
Жените во Македонија се дискриминирани, жртви на мобинг и помалку платени од мажите
Аларм од Европа: Еден грам дрога предизвикува илјадници смртни случаи
