По неуспешнит обид на најновиот пробен лет на „Старшип“: Ракетата-носач на „СпејсЕкс“ експлодираше во Мексиканскиот Залив

Ракетата-носач „Super Heavy“ на „СпејсЕкс“ (SpaceX) експлодираше во Мексиканскиот Залив, откако компанијата се откажа од обидот да ја пресретне и фати за време на нејзиното враќање кон местото на лансирање во Тексас. Ова доведе до неуспех на една од клучните цели на најновиот пробен лет на ракетата „Старшип“ („Starship“).

Ракетата беше лансирана во петокот, 13 ноември, од комплексот „Starbase“ на SpaceX во Тексас, што претставуваше 15-ти пробен лет на системот „Старшип“. За време на спуштањето, се појави проблем со ракетата-носач, поради што таа беше насочена кон Мексиканскиот Залив, наместо да биде фатена од механичките краци на лансирната кула.

И покрај овој неуспех, вселенското летало „Старшип“ успешно стигна до орбитата, што претставува уште едно достигнување за вселенската програма.

„Ќе ја истражиме причината за прекинот, додека продолжуваме да го следиме враќањето на леталото кон кулата“, изјави претставникот на „СпејсЕкс“, Ден Хјут, за време на преносот во живо на компанијата, како што пренесува UPI.

Целта на мисијата беше да се демонстрира способноста за враќање и повторна употреба на двете фази од најмоќниот ракетен систем во светот. Ова претставува значаен чекор кон крајните цели на SpaceX: почести лансирања, како и идни мисии до Месечината и Марс.

Горната фаза на ракетата продолжи по својата траекторија кон орбитата, а за сабота е планиран обид за нејзино враќање на местото на лансирање. Во рамките на ова лансирање, исто така, беше предвидено и испраќање на 26 сателити од типот „Starlink V3S“.

„СпејсЕкс“ го дизајнира и развива вселенското летало „Starship“, кое е целосно повеќекратно употребливо и е наменето за мисии што треба да ги поддржат амбициозните планови на компанијата за истражување на Месечината и Марс, пренесе Вјести.ба.

Hot-staging separation! Starship’s Raptor engines have ignited, and the Super Heavy is boosting back towards Starbase for a catch https://t.co/GySjTZg7HO

— SpaceX (@SpaceX) November 13, 2026