Плажа во Албанија стана бојно поле! Со денови беснеат протести поради проектот на зетот на Трамп, Рама не попушта/ВИДЕО

Протестите во Албанија поради планираната изградба на луксузен туристички комплекс, поддржан од Џаред Кушнер, зет на американскиот претседател Доналд Трамп, секојдневно собираат сè повеќе луѓе. Демонстрантите ја отфрлија понудата на премиерот Еди Рама за разговори, додека еколошките организации тврдат дека работата веќе е започната во заштитената крајбрежна зона.

Илјадници граѓани протестираа на улиците на Тирана трет ден по ред, а некои носеа фигури од гумени фламинга за да ја истакнат заканата за животната средина. Протестите се шират и на југот од земјата, каде што започнаа подготвителните работи за проектот вреден 1,6 милијарди долари во област која се смета за една од највредните природни области во Медитеранот, а плажата постојано наликуваше на бојно поле поради судирите меѓу граѓаните и полицијата.

– Целиот процес од почеток до крај беше целосно нетранспарентен. Немаше јавна дискусија или пристап до документацијата за дозволи. Затоа сега велиме: ако ги отстранат булдожерите, ја срушат оградата и го вратат живеалиштето во првобитната состојба, само тогаш можеме да разговараме – изјави Александар Трајче, директор на албанската организација за заштита на природата PPNEA.

A planned luxury resort in Albania linked to Jared Kushner, US President Donald Trump’s son-in-law, is under an anti-corruption investigation over changes to protected coastal land, amid growing protests.

Al Jazeera's Cara Legg reports. pic.twitter.com/avKuUbK7zs

— Al Jazeera English (@AJEnglish) June 4, 2026

Рама, кој го претставува проектот како важен чекор во економскиот развој на Албанија и можност за нови работни места, предложи средба со демонстрантите, но не покажа никаква подготвеност да се откаже од инвестицијата.

– Додека сум тука, апсолутно нема шанси инвестицијата да биде запрена – рече албанскиот премиер.

Albanians have taken to the streets of Tirana to protest a plan linked to President Trump’s son-in-law, Jared Kushner, to build a luxury resort in protected wetlands on the Albanian coast.

Yet Albania’s PM tells me “there is no project,” dismissing the story as fake news. pic.twitter.com/4mMTWLJAHP

— Isa Soares (@IsaCNN) June 3, 2026

Еколозите предупредуваат дека изградбата може да го загрози уникатниот екосистем на островот Сазан, мочуриштата и крајбрежните живеалишта во рамките на морскиот национален парк. Областа, според BirdLife International, е едно од последните засолништа на медитеранскиот морски лав и дом на повеќе од 200 видови птици, вклучувајќи фламинга и далматински пеликани.

Трајче тврди дека граѓаните се особено огорчени по поставувањето на огради од бодликава жица и почетокот на работите кои, вели тој, ги оштетиле песочните дини и медитеранските борови шуми.

Jared Kushner and Ivanka Trump saw this untouched wilderness in Albania and decided to build an enormous luxury resort there.

Albanians are fighting to shut them down. pic.twitter.com/zOc97njRt7

— AJ+ (@ajplus) June 2, 2026

– Никогаш не сме биле сведоци на нешто вакво во заштитените подрачја на Албанија. Ова не е само невиден потег, ова е целосно рушење на владеењето на правото – рече тој.

Тој додаде дека незадоволството одамна го надминало опсегот на еколошкото прашање.

– Потоа мештаните навистина се налутија. Луѓето кои поседуваат или работат на земјиштето таму одеднаш повеќе не можеа да му пристапат. Прашањето прерасна во еколошко прашање. Сега тоа е прашање за сите граѓани. Тоа е многу пошироко од тоа – додаде тој.

🇦🇱 Update: Protests escalated in the Zvernec area.

According to protesters, private security personnel "kidnapped" a protester and used pepper spray against protesters and Albanian police.

The protest was attended by the leader of Albania's left-wing Bashke party. https://t.co/akrM39ghpK pic.twitter.com/kwJZ3hrthw

— kos_data (@kos_data) May 30, 2026

Во меѓувреме, обвинителството за борба против корупцијата во Албанија започна истрага за контроверзните законски измени од 2024 година поврзани со заштитените подрачја.

Инвеститорите ги отфрлаат критиките и инсистираат дека проектот ќе се спроведува на одговорен начин кон природата.

„Нашиот фокус останува на одговорно управување, подобрување на животната средина, создавање работни места и создавање долгорочна вредност за локалните заедници. Ги почитуваме јавните и институционалните процеси што се во тек“, рече Ашер Абешера од „Сазан риел естејт дивелопмент“ ДОО.

IMPORTANT: 🇦🇱

While it is true that organized crime, drug traffickers, and corrupt state officials are literally looting #Albania's resources, especially public land in the south, the entire Russian, Iranian and Muslim Brotherhood network of influence in the country has moved to…

— Juxhin Çela 🇪🇺🇺🇦 (@JuxhinCelaEU) May 31, 2026

Рама, исто така, негира дека изградбата ќе го загрози крајбрежјето и ја нагласува важноста на привлекувањето странски инвестиции. Во среда, тој рече дека „многу е важно да останеме гостопримливи и фер и под никакви околности да не се здобиеме со стигмата на земја каде што инвеститорите се пречекани со непријателство“.

Според Трајче, главната причина за гневот на јавноста не е толку поврзана со Кушнер и Иванка Трамп, колку со начинот на кој албанските власти го управувале целиот процес.

– Гневот не е толку насочен кон Кушнер или Иванка Трамп, туку кон владата и начинот на кој таа го управувала целиот процес – заклучи тој.