Пламените јазици буквално ја проголтаа Грција: Нов пожар избувна западно од Атина, густи облаци од чад видливи во центарот на главниот град/видео

Голем шумски пожар западно од грчката престолнина Атина избувна во петокот попладне, а густи облаци од чад се издигаа над предградието Дасос и беа видливи во центарот на главниот град.

Цивилната заштита ги повика жителите да ја напуштат областа во правец на предградието Перистери од претпазливост.

„Наредивме евакуација како превентивна мерка“, изјави портпаролката на цивилната заштита за грчкиот телевизиски канал „Скај“. Чадот е особено опасен за децата и постарите лица.

> 🚨 Wildfire at Poikilo Oros in Attica triggered an emergency alert from Greece’s Civil Protection authorities on Friday afternoon. The blaze has since been extinguished.

🎥 Video: Greek City Times#GreekCityTimes #Greece #Wildfire #Attica #BreakingNews #Athens #GreekNews pic.twitter.com/ZD2wG5nt8J

— Greek City Times (@greekcitytimes) July 31, 2026

Таму, пожарот се шири по должината на фронтот што се протега на километри, според властите. Локалните медиуми објавија дека во областите Агиос Василиос и Порто Гермено, стотици луѓе морале да бидат спасени со брод откако биле опкружени со пожар.

🔥 Δαφνί: Οι φλόγες έφτασαν κοντά στα σπίτια

🚒 Μεγάλη επιχείρηση βρίσκεται σε εξέλιξη στο Δαφνί, καθώς η φωτιά πλησίασε κατοικημένες περιοχές και προκάλεσε έντονη ανησυχία στους κατοίκους.

🚁 Ισχυρές εναέριες και επίγειες δυνάμεις επιχειρούν για να περιορίσουν το πύρινο μέτωπο… pic.twitter.com/6RgAx6bevs

— TA NEA (@ta_nea) July 31, 2026

Пожарникари и противпожарни хеликоптери биле распоредени за да се спречи ширењето на пожарот во густо населената област, соопштија новинарите на местото на настанот.

Уште еден голем пожар гори на полуостровот Пелопонез во близина на Порто Хели. Голем број села таму се евакуирани, објави јавната телевизија ЕРТ.

Силните ветрови ги попречуваат напорите за гаснење на пожарите од воздух, соопшти противпожарната служба, оставајќи ги противпожарните авиони и хеликоптери да можат да летаат само во ограничен обем.

На Крит, противпожарната служба продолжи со операциите, а ситуацијата значително се подобри, објавија локалните медиуми. Сепак, опасноста сè уште не е целосно помината бидејќи зголемените ветрови би можеле повторно да го разгорат пожарот во секој момент, предупреди цивилната одбрана, пренесе „Бета“.