Пазете се од белите комбиња во европските земји, можат скапо да ве чинат во сообраќајот

Камерите не се единствениот начин за следење на патиштата, бидејќи полициските сили низ Европа сè повеќе ја користат својата досетливост за да ги „фатат“ возачите кои ги кршат правилата.

Еден од поновите методи за контрола на сообраќајот се незабележливите бели комбиња кои на прв поглед изгледаат како обични возила за достава или деловни возила, но всушност имаат сосема поинаква улога. Иако лесно се вклопуваат во секојдневниот сообраќај, полициските сили ги користат како дополнително средство за следење на патиштата.

Шпанската сообраќајна полиција користи камуфлирани комбиња за откривање на сообраќајни прекршоци.

Главната цел е да се контролираат возачите кои користат мобилен телефон или не носат сигурносен појас, но се користат и за други прекршоци.

Овие возила на шпанската сообраќајна полиција за прв пат беа воведени како дел од пилот-проект пред околу пет години, а денес станаа дел од редовниот систем за контрола на сообраќајот. Тие се користат покрај постојните методи за контрола, како што се радар, беспилотни летала и патролни возила, со цел поефикасно да се следи однесувањето на возачите на патиштата.

Набавката на овие „незабележливи“ комбиња беше овозможено од програмата „Следна генерација“ на Европската Унија, наменета за модернизација на јавната администрација. Благодарение на ова, шпанските власти дополнително го подобрија својот капацитет за контрола на сообраќајот и откривање на прекршоци.

Според шпанската сообраќајна полиција, примарната намена на овие возила е контрола на возачите кои користат мобилен телефон додека возат, како и на оние кои не користат сигурносен појас. Сепак, познато е дека овие возила се користат и за евидентирање на други сообраќајни прекршоци.

Нивната најголема предност лежи во фактот што се многу тешки за препознавање. Однадвор, тие изгледаат како сосема обични комбиња кои циркулираат по патиштата секој ден, без карактеристични полициски ознаки кои веднаш би го привлекле вниманието на возачите, пишува Блиц.

Како да ги препознаете?

Сепак, според шпанските медиуми, постојат одредени детали кои можат да укажуваат дека ова не е обично возило. Повеќето од овие комбиња се целосно бели и немаат никакви натписи или ознаки на каросеријата. Една од ретките траги е скриена на регистарските таблички, каде што можат да се видат буквите „PGC“, ознака што потврдува дека возилото припаѓа на флотата на Шпанската цивилна гарда.

Благодарение на нивниот незабележлив изглед, овие возила претставуваат уште едно средство со кое шпанските власти се стремат да ги откријат и санкционираат возачите кои ги прекршуваат сообраќајните прописи, без да се потпираат само на традиционалните методи на надзор.