Папата Лав XIV порача: Вештачката интелигенција нема душа, човечките односи бараат повеќе

Папата Лав XIV ги предупреди политичарите за предизвиците што ги претставува подемот на вештачката интелигенција (ВИ), наведувајќи го нејзиното потенцијално влијание врз помладите луѓе како клучна загриженост.

Односот меѓу луѓето и технологијата

Зборувајќи на настан на кој присуствуваа италијанската премиерка Џорџa Мелони и парламентарни делегации од 68 земји, папата Лав XIV повторно се осврна на тема што ја покренуваше постојано во текот на првите неколку недели од неговото папство.

„Не смее да се заборави особено дека вештачката интелигенција функционира како алатка за благосостојба на човечките суштества, а не да ги намалува или дури да ги заменува“, рече Лав XIV на настан одржан како дел од римокатоличкиот јубилеј, или Света година.

Различни ставови за вештачката интелигенција

Застапниците на вештачката интелигенција велат дека таа ќе го забрза научниот и технолошкиот напредок и ќе им помогне на луѓето да извршуваат рутински задачи, давајќи им повеќе време да се вклучат во повредна и креативна работа.

Папата, роден во САД, рече дека е потребно внимание за да се заштити „здрав, праведен и правилен начин на живот, особено во корист на помладите генерации“.

Вредноста на човечкото над вештачкото

Тој истакна дека „статичката меморија“ на вештачката интелигенција во никој случај не може да се спореди со „креативната, динамична“ моќ на човековата меморија.

„Нашите лични животи имаат поголема вредност од кој било алгоритам, а општествените односи бараат простори за развој што одат многу подалеку од ограничените обрасци што секоја бездушна машина може да ги подготви однапред“, рече тој.

Лео, кој стана папа во мај годинва, претходно зборуваше за заканата што вештачката интелигенција ја претставува за работните места и ги повика новинарите да ја користат одговорно.