Осуден таткото на тинејџер кој убил четири лица во средно училиште во Џорџија

Таткото кој му ја дал пушката на својот син – со која беа убиени четири лица во средно училиште во Џорџија – денес беше осуден на 15 години затвор; ова е завршница на првиот случај во оваа сојузна држава во кој родител е осуден за убиство од втор степен за злосторство извршено од неговиот син.

Шеснаесетгодишниот Колт Греј во вторникот беше осуден на доживотен затвор без можност за условен отпуст, а два дена подоцна, истиот судија му изрече казна на неговиот татко, Колин Греј – казна што е значително пократка од 80-те години што ги бараше обвинителството, пренесува Ројтерс.

Колин Греј е уште еден родител во САД кој е кривично гонет за убиства извршени од неговото дете – што претставува нова правна стратегија на обвинителите во обид да се справат со епидемијата на насилство со огнено оружје во американските училишта.

Неколку месеци пред злосторството извршено од Колт Греј, родителите на тинејџер од Мичиген, кој уби четворица соученици, беа осудени на казни од 10 до 15 години затвор откако беа прогласени за виновни за убиство од небрежност.