Во „Службен весник“ е објавен Правилникот за форматот, содржината и методологијата за изработка на општинскиот енергетски план. Со овој правилник првпат се воспоставува јасен, структуриран и контролиран систем за планирање на енергетските инвестиции на локално и на национално ниво, со што му се става крај на ад хок пристапот и се воведуваат ред, предвидливост и рамномерност во развојот на енергетските капацитети во државата.
– Инвеститорите што планираат реализација на енергетски објекти со моќност до 1 MW, иницијативите ги доставуваат директно до општините каде што сакаат да инвестираат, најдоцна до 1 април. Врз основа на пристигнатите иницијативи, сопствените потреби и просторни можности, општините ќе изработуваат локални енергетски план и предлог за инвестиции и ќе треба да ги достават најдоцна до 15 мај – велат од Министерството за енергeтика.
Општинските енергетски планови се објавуваат на веб-страниците на општините најдоцна до 1 јули, со што процесот станува целосно транспарентен. Министерството веќе го достави Правилникот до ЗЕЛС, кој ќе го дистрибуира до сите општини во државава.
ИЗДВОЕНИ
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
