Општина Делчево, воведува новина во системот за заштита на природата. Станува збор за редовни контроли со беспилотни летала, со цел навремена превенција и откривање на потенцијални шумски пожари. Активностите ќе се одвиваат преку ТППЕ Делчево и согласно со насоките на Кризниот штаб.
– Со користење на новата современа технологија значително се унапредува мониторингот на ризичните подрачја и се овозможува побрза и поефикасна реакција на надлежните служби – велат од Општината.
Овие активности ќе продолжат и во наредниот период, во координација и соработка со други релевантни институции, со заедничка цел – заштита на шумите, животната средина и безбедноста на граѓаните. Од Општината апелираат до сите граѓани на одговорно однесување и почитување на мерките за заштита од пожари.
– „Медениот месец” на пироманите е официјално завршен – заклучија општинските власти.
Со воведувањето на „челичните птици“ во служба на пожарникарите, Делчево поставува нов стандард во регионот за тоа како модерната технологија може да ги заштити природните богатства.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
