Општина Чаир се поднови со 100 нови контејнери, кои се поставуваат на целата нејзина територија, и тоа на локации каде што е најголема потребата. Целта е поефикасно собирање на отпадот и подобрување на чистотата во различни населби на Чаир.
Градоначалникот на Општина Чаир, Изет Меџити, истакна дека инвестициите во јавната хигиена остануваат еден од приоритетите на Општината.
– Континуирано инвестираме во создавањето подобри услови за граѓаните. Поставувањето 100 нови контејнери и проширувањето на мрежата на подземни контејнери се дел од нашата посветеност за почист, поуреден и пофункционален Чаир за сите – изјави Меџити.
Инаку, досега се поставени 15 подземни контејнери во Чаир, а по обезбедувањето средства преку Програмата за урбан развој, активностите ќе продолжат на нови локации на територијата на Општината.
