Брзината на ветрот на ураганот Исајас се зголеми на приближно 169 км/ч, а Националниот центар за урагани сега предвидува дека тој накратко ќе прерасне во силен ураган во раните утрински часови во петок, пренесува Си-Ен-Ен.
Ураганот Исајас се приближува кон северниот брег на Мексиканскиот Залив и се очекува да стигне таму во текот на ноќта меѓу петок и сабота. Според Си-Ен-Ен, бурата брзо зајакнала во средата навечер, а крајбрежните области би можеле да се соочат со бурен бран (наплив на морето) од околу 2,1 метар и вкупни врнежи до 381 милиметар. Метеоролозите исто така предупредуваат на можноста за појава на краткотрајни торнада со многу кратко време за предупредување.
Како резултат на тоа, прогласена е вонредна состојба во делови од Алабама, Флорида и Џорџија, а во некои области се издадени наредби за задолжителна евакуација. Подготвени се планови за затворање на одредени аеродроми на Флорида пред пристигнувањето на бурата.
Железничкиот сообраќај на „Амтрак“ во делови од Луизијана и Алабама исто така е попречен поради ураганот.
Брзината на ветрот на ураганот Исајас се зголеми на приближно 169 км/ч, а Националниот центар за урагани сега предвидува дека тој накратко ќе прерасне во силен ураган во раните утрински часови во петок. Терминот „силен ураган“ се однесува на бура од категорија 3 или повисока, со постојана брзина на ветрот од најмалку 179 км/ч.
„Сите купуваат гориво и вода. Луѓето се движат на сите страни како мравки“, изјави Ричард Викли, жител на Алабама, пренесува Си-Ен-Ен.
